Vørukurv

Mentanarnáttina er útisavnið Heima á Garði í Hoyvík eisini opið. Myllan í Kúrdali melur kl. 20. Kl. 21 verður farið upp á gólv í Roykstovuni.

Niclas í Koltri (1909-1991) er kendasti bátasmiðurin í nýggjari tíð. Í vórðu amboð og útgerð hansara latin fornminnissavninum, og eitt úrval av hesum verður nú sýnt fram.
 
Niclas var framúr góður bátasmiður og smíðaði 360 bátar. Av teimum vóru 75 kappróðrarbátar, og hann eigur heiðurin fyri menningina av hesum serliga og væl umtókta frábrigdinum av tí føroyska bátinum. Niclas smíðaði eisini bátar til útróður, og teir vóru bæði sjógóðir og smidligir.

Mangan vóru boð eftir Niclasi og bátum hansara, tá ið almennu Føroyar skuldu umboða føroyska mentan í útlondum, millum annað tá ið Benedikta prinsessa giftist, og ferðina til USA í 1976 minnast fólk eisini. Tá smíðaði hann bát í samband við 200 ára hátíðarhaldið hjá sambandsríkinum.
 
Á framsýningini síggjast eisini nøkur modellskip, ið Niclas gjørdi til synirnar. Hesin lítli skipafloti lá í hylinum í Koltri, Eiðisdammi, og mong eru tey, ið hava sæð, ella kanska bara hoyrt um hesi skip.

Kelda: Føroya Fornminnissavn.

Lagt út: Sigfríður Arahamsen, ritstj.