Skúlaleikir eru hugsaðir, sum eitt átak, sum skal geva lærugreinini ítrótti og lærarunum íblástur og fakliga sparring - uttan at krevja nakað eyka av læraranum ella skúlanum. Luttøkan í Skúlaleikum byrjar við, at lærarin luttekur í hesum skeiði á Námi, har lærarar fáa undirvísing og upplæring í tilfarinum og teimum mest grundleggjandi venjingunum.

Um áhugi er, bjóða sersambondini seg at koma út á skúlarnar í ein tíma at leggja lag á, og síðani bjóða tey flokkunum til lokalar stevnur, har allir flokkar sleppa at vera við og royna seg saman við næmingum frá øðrum skúlum. Kommunurnar standa fyri ferðaútreiðslum til næmingarnar í egnari kommunu í sambandi við luttøku á Skúlaleikum.