209 sagnir á Snar
Sagnasíðan, www.snar.fo/sagnir, hevur verið nógv brúkt hesar mánaðirnar, síðan fyrstu sagnirnar komu á Snar. Fleiri hava tó eisini eftirlýst sagnum, sum tey hava saknað. Nógvar av hesum skuldu nú verið tøkar.
35 sagnir, sum Gøtuskeggi, MartinV.U Hammershaimb savnaði, eru endurgivnar úr “Færøsk Anthologi I” frá 1891. Millum hesar sagnir, munnu “Bardagin í Mannafelsdali”, “Húsfrúgvin í Húsavík”, “Floksmenn” og "Risi og Kelling” vera millum tær kendastu.
82 sagnir, sum Andreas Weihe savnaði, eru úr "Søga og søgn" frá 1933 og "Tjóðminni” frá 1938”. Hesar eru fyri stóran part úr Eysturoy og Norðstreymoy.
Árni Dahl hevur við játtan frá mentamálaráðnum staðið fyri at gera sagnirnar til talgildan tekst, og í samráði við Føroya skúlabókagrunn er avgjørt at leggja sagnirnar á Snar.
Nú eru 209 sagnir á Snar, og flest allar bygdir í Føroyum eru komnar á kortið á fremstu síðu.
Skrivað: Rói Joensen