Skip to main content

Støddfrøði til 8. flokk

02.10.2023

Nám gevur út grundbókina Støddfrøði 8, sum er partur av støddfrøðirøð til hádeild fólkaskúlans.

Støddfrøði 8 - grundbók er partur av bókaheild til undirvísingina í støddfrøði í 8. flokki. Seinni koma uppgávubók og lærarabók.

Bókaheildin Støddfrøði 7  kom út í 2021, og seinni kemur Støddfrøði 9.

Far til útgávuna Støddfrøði 8

Útgávuheimurin Støddfrøði til hádeild

Støddfrøði 8 fevnir um:

  • Grundbók: Næmingabók við fakligum teksti, uppgávum og avbjóðingum. Grundbókin vendir sær beinleiðis til næmingin og eggjar til at lesa, tosa um, arbeiða við og fata støddfrøði.
  • Uppgávubók: Ískoyti til Grundbókina. Í Uppgávubókini eru fjølbroyttar uppgávur á ymsum torleikastigum.
  • Lærarabók: Hjálparamboð til læraran. Lærarabókin fylgir einstøku síðunum í Grundbókini og gevur læraranum hugskot til ymsar framferðarhættir, virksemi, næmingalagaða undirvísing, eftirmeting og hugdýping.
  • Avritsmappu: Tilfar til spøl, uppgávur og annað virksemi. Klárt at avrita til nýtslu.
  • Handbók: Savn av formlum og reglum, sum verða lýst við dømum.

Útgávuheildin Støddfrøði veitir grundarlag fyri gevandi og livandi undirvísing í støddfrøði.

Gjøgnum virkið og granskandi arbeiði ogna næmingarnir sær bæði fatan og førleika í støddfrøði. Við støði í Støddfrøði skulu næmingar og lærarar í felag lesa støddfrøði, loysa uppgávur, kjakast um framferðarhættir og fara undir støddfrøðiligar avbjóðingar á kannandi og skapandi hátt. Støddfrøði vekur áhugan hjá næmingunum við fjølbroyttari undirvísing og við at knýta samband millum støddfrøðina og gerandisdagin.

Støddfrøði  leggur dent á:

  • Fakliga innihaldið, skilvísan bygnað og stigvøkstur
  • Neyv og týðilig førleikamál
  • Praktisk dømi og uppgávur
  • Næmingalagaða undirvísing
  • Ítøkiliga leiðbeining til læraran

Onnur tíðindi

21.03.2024

Upp- og afturlatingartíðir

Les meira
19.03.2024

Starv sum námsráðgevi í føroyskum á yrkis- og…

Les meira
12.03.2024

Í sBókini Plantur til matna eru meira enn 150…

Les meira
04.03.2024

Nám gevur út tvey nýggj Hey!-hefti, sum eru ætlað…

Les meira