Vørukurv

Bókaheildin Finka fevnir um 5 bøkur, eina lesibók, tvær arbeiðsbøkur, eina ljóð- og mállærubók og eina læraravegleiðing við einum ástøðisparti og einum vegleiðingarparti.

Høvuðseyðkenni við Finku er,at arbeitt verður miðvíst og tilvitað við lesisnildum - bæði avkodingarsnildum og fatanarsnildum. Næmingarnir verða gjørdir tilvitaðir um snildirnar og verða undirvístir í at brúka tær alla tíðina eftir tørvi. Snildirnar eru sjónligar í næmingabókini. Hetta er gjørt við ímyndum, sum vísa, hvussu tey skulu brúka eygu, fingrar og munn, meðan tey lesa og lurta. 

Arbeiðsbók 1 og 2 eru knýttar beinleiðis at lesibókini. Í arbeiðsbókini verður allatíðina víst til síðutølini í lesibókini, so tað er greitt hjá næmingunum, hvørjar søgur ella annað,
uppgávurnar eru til. 

Ljóð- og mállærubókin er ikki beinleiðis knýtt at lesibókini, men tað er samsvar ímillum allar bøkurnar. Tey arbeiða við teimum ljóðum og tí mállæru, sum eru í lesibókini.