Achéindiánar í Paraguei
Á sínum mongum ferðum í Paraguei, hevur Flemming Petersen havt nógv samband við achéindiánarnar. Achéindiánarnir, sum fyrr livdu úti í skógunum, búgva nú í legum; men við hvørt fara teir inn í skógin og liva, sum teir gjørdu fyrr. Bókin er um søgu, mentan og lívið hjá hesum indiánabólki. Greitt verður eisini frá teirri viðferð, teir fáa frá øðrum paragueium. Tvey sjónbond eru til bókina, og bókin og sjónbondini eru partar av undirvísingarsavninum um Paraguei.
