Floygd orð 1
Hesar báðar bøkurnar eru ætlaðar til framhaldsdeildina. Høvuðsparturin av tekstúrvalinum er upprunaligur føroyskur og vísir lív og søgu føroyinga bæði í eldri og nýggjari tíð. Tær týðingar, ið tiknar eru við, eru týðingar úr fremmandamálum. Tilfar, ið týtt er úr hinum norðurlandamálunum, er ikki tikið við. Elsti høvundurin, ið umboðaður er, er føddur í 1866, yngsti í 1968. Aftast í bókini eru viðmerkingar til úrvalið og nøkur orð um nýtslumøguleikar. Haraftrat verður stutt sagt frá um hvønn einstakan rithøvund.
