Vørukurv

Á fyrsta bindi av Føroya søgu, ið ber undirheitið Norðurlond og Føroyar, verður roynt at koma inn í søgu okkara, og spurningarnir, sum viðgjørdir verða, eru t.d.: Hvussu varð Føroya land til? Hvussu komu norðbúgvar inn í almenna evropeiska søgu? Hvussu ávirkaði náttúran umstøður teirra, hvussu og hvar settu teir búgv, og hvør var hugaheimur teirra? Roynt verður at viðgera spurningin um, hví og hvussu hesir norðbúgvar brádliga fóru at breiða seg út um lond, bæði kend og nýfunnin. Einar 250 myndir eru í bókini, og nærum 100 av teimum í litum. Eisini eru kort, tekningar og ættartøl.