Vørukurv

Ferð á føroyskt fevnir um Grundbók, Arbeiðsbók, Orðahefti, ljóðfílur og Lærarabók

Í Lærarabókini er:

• Innihald og lærimál
• Stig fyri stig vegleiðing til einstakar uppgávur
• Kortini Mynd og orð
• Avritssíður
• Roynd eftir hvønn kapittul
• Amboðskassi
• Ástøðiligur partur (á veg)

Ferð á føroyskt er ein bókaheild  í føroyskum sum annaðmál. Tilfarið er ætlað næmingum í fólkaskúlaaldri og eldri, ið tosa annað mál enn føroyskt, og sum frammanundan hava lært at lesa við latínskum bókstavum.

Tilfarið fevnir um Grundbók, Arbeiðsbók, Orðahefti, ljóðfílur og Lærarabók.  

Grundbókin er leiðandi bókin, ið er samantvunnin við Arbeiðsbókini. Harumframt er eitt Orðahefti knýtt at heildini og ljóðfílur til Grundbókina og Arbeiðsbókina.  

Næmingurin lærir fyrst tað, honum tørvar mest í gerandisdegnum, bæði evnisliga og málsliga. Stórur dentur er á at læra vanlig orð, faklig hugtøk til skúlabrúks og yvirhøvur tað, næminginum tørvar fyri so skjótt sum møguligt at fóta sær í skúlanum og í gerandisdegnum sum heild. Tilfarið leggur dent á at brúka forkunnleikan hjá næminginum at krøkja nýggja vitan á. Næmingurin arbeiðir í evnum, samstundis sum hann stigvíst eisini ognar sær málsliga bygnaðin.

Í Lærarabókiniini er praktisk stig fyri stig vegleiðing til læraran, avritssíður við orðakortum, eyka uppgávum og eini roynd eftir hvønn kapittul at prenta út til næmingarnar. Harumframt er ein amboðskassi við alskyns hugskotum til spøl og aktivitetir. Afturat hesum er ein Svarlisti umframt transkriberaðar ljóðfílur.