Vørukurv

Les

Flestu lærarar, sum undirvísa í føroyskum í hádeildini, brúka Les tilfarið. Les hevur egnan útgávuheim á snar.fo. Har er bæði tekstasavn, lærarabók og ljóðbók umframt annað viðkomandi tilfar. Á henda hátt ber til at biðja næmingarnar antin lesa í útgávuni ella at lurta eftir tekstunum heima.

Slóð til Les útgávuheimin 

Temasíður

Tað eru nógvar ymiskar temasíður, sum kunnu brúkast í undirvísingini í føroyskum. Temasíðan Skaldskapur og miðlar hevur fleiri undirtemu t.d. film og skaldskap av mannamunni. Temasíðan Filmur hevur tíggju ymiskar føroyskar stuttfilmar. Til ber at hyggja at filmunum og arbeiða við teimum á ymsan hátt. Ítøkiligar uppgávur eru, sum næmingarnir kunnu loysa heima.

Slóð til temasíðuna um film

Skaldskapur av mannamunni

Á temasíðunum Sagnir, Ævintýr og Kvæði ber til at arbeiða við sagnum, ævintýrum og kvæðum. Tað verður greitt frá, hvørji eyðkenni ymisku tekstasløgini hava. Ein ørgrynna av sagnum, ævintýrum og kvæðum eru skipað eftir bókstavarøð. Harumframt eru sagnirnar skipaðar eftir bygd og kvæðini í mun til kvæðabólkar.

Slóð til síðuna um tekstaslagið 

Ferðsla

Ein onnur áhugaverd temasíða er Ferðsla. Talan er um ymisk tekstasløg, og á henda hátt ber til at arbeiða bæði við blaðgreinum, lýsingum og stuttfilmum. Ítøkiligar uppgávur eru, sum næmingarnir kunnu loysa heima.

Slóð til temasíðuna um ferðslu

Mállæra

Í sambandi við skrivliga partin, so er mállærubókin Stutt mállæra tøk á netinum. Eyka uppgávur til Stutt mállæra, sum næmingarnir kunnu loysa heima, eru tøkar. Eisini eru góð ráð, hvussu skrivast kann við stíli.

Slóð til Stutt mállæra

Slóð til eykauppávur

Slóð til at skriva við stíli 

Kringvarp Føroya

Kringvarp Føroya hevur nógvar áhugaverdar og viðkomandi dokumentarfilmar, sum hóska væl til undirvísingina í føroyskum. Úr rúgvuni kunnu vit nevna O, móðurmál (3 partar), Streingir ið tóna, Sjá, tú blánar, Føroyskir stuttfilmar (2 partar) Kendir føroyingar: Sámal Joensen – Mikines (2 partar), Kendir føroyingar: Jørgen Frantz (2 partar), Kendir føroyingar: Ebba Hentze. Aðrir eru Drongurin við svarta beltinum, Tey serligu børnini, Tóri, eitt lív á eggini og Happing.

Slóð til ymiskar dokumentarfilmar

Slóðir til viðkomandi og gott støddfrøðitilfar á netinum:

Støddfrøði á Snar

Sum flest øllum lærarum og næmingum kunnugt, so eru síður á Snar til allar lærugreinir í fólkaskúlanum. Her er tilfar av ymsum slagi. Smáar uppgávur at prenta út, spøl, bøkur og leinki til aðrar síður um støddfrøði. Næmingar í hádeild brúka flest allir Skygni. Hesar bøkurnar eru tøkar á Google við atgongd frá Snar. Vel bókina á Snar og trýst á “Les úr útgávuni”.

Tann vælumtókta Støddfrøðihandbókin er eisini tøk á netinum.

Støddfrøði í i-bókum

Við at skriva leitorðið Skygni ovast ella við at velja lærugrein vinstrumegin á skíggjanum ber til at finna allar støddfrøðibøkur hjá Námi til hádeild. Støddfrøðihandbókin er eisini tøk sum i-bók.

gangetabel.dk

Tað er eitt upplagt høvi, nú næmingarnir sita heima, at fáa teir at venja tabellina í einar tíggju minuttir um dagin. Nógvar slóðir eru til tabellvenjing, men hendan er ein av teimum betru, og so er hon hóskandi til hádeild.

mattip.dk

 Ein opin støddfrøðipallur við uppgávum, kappingum og spølum til allar flokkar.

MatematikFessor

Ein vælumtóktur pallur, har til ber at geva skúlating og fylgja við í, hvat næmingarnir gera.

emat.dk

Væl umtóktur og umfatandi pallur. Lærarar kunnu senda uppgávur til næmingarnar og fáa eitt gott yvirlit yvir framstig og støði hjá teimum einstaku næmingunum.

Kapping í enskum

Danska forlagið Alinea skipar, so leingi korona ávirkar skúlagongdina, fyri eini kapping í fremmandamálum fyri flokkar í hádeildini. Tilmeldaðir flokkar fáa ein pdf við video, videotaluna sum tekst, uppgávur, eyka tekstir, orðalista o.a. og luttaka í kappingini við egnum stuttum video. Denturin er á at tosa.

Les meir her

Samvirknar mállæruuppgávur

Her eru m.a. samvirknar uppgávur í mállæru, tekstfatan o.ø á fleiri floks-/torleikastigum

Atlantbib.org

Atlantbib.org er ein skúlaverkætlan við luttakarum úr Danmark, Noregi, Svøríki, Finnlandi, Íslandi, Føroyum, Grønlandi, Letlandi, Litava, Suðurslesvig og teimum samisku økjunum í Skandinavia. Tað eru Nord Plus Språk 2019og Fondet for dansk-norsk samarbeid, ið veita verkætlanini fíggjarligan stuðul.

Elt slóðina

Enskt og støddfrøði – á øllum floksstigum fólkaskúlans

Samvirknar venjingar í ymiskum førleikum í enskum og støddfrøði . Hóast undirvísingarmálið er enskt, er tað ikki altíð berandi og kann tí í summum førum nýtast heilt niður í innskúlingina.

Elt slóðina

Nógvar lærugreinar – miðdeild og hádeild

Dátugrunnur við eini ørgrynnu av tilfari til nógvar lærugreinar. Tilfarið er á enskum og er ókeypis í koronatíðini. Kanska ein øðrvísi háttur at hava enskt og eina aðra lærugrein samstundis?

Elt slóðina

Danskt og enskt – miðdeild +

Ein stuttligur og øðrvísi máti at hava enskt og danskt í senn. Samvirknu uppgávurnar skifta ímillum at venja skrivliga og munnliga fatan í báðum málunum. Hetta leinkið byrjar við eini roynd, sum leggur støðið fyri einstaka næmingin.

Elt slóðina