• Yvirlit
  • Prenta
  • RSS hald
Tú ert her:

Um síðuna

 

Nám hevur gjørt hesa síðuna við ymiskum amboðum og slóðum, sum kunnu vera hent í sambandi við, at næmingar skulu undirvísast heima í eitt tíðarskeið.


Frá mánadegnum 16. mars og fram til páskir eru allar sBøkur hjá Námi ókeypis.
snar.fo/sboekur/

i-bókin er ein netbók, ein bókaheild í netútgávu við nettøkum fyrimunum.

i-bókin savnar tilfarið hjá næminginum: Næmingabók, arbeiðsbók og avritssíður.

Í i-bókini kunnu vera leinki til www, ljóð, rokniørk o.s.fr.

 

Office 365 er samskiftispallurin hjá øllum lærarum og næmingum í føroyska skúlaverkinum. 

Allir lærarar og næmingar hava fingið ein brúkara í skipanini. Teldubræv er sent øllum brúkarum á Firstclass, við skúlaID (brúkaranavni og loyniorði).

 

Rita inn á Microsoft Teams

Rita inn á Microsoft Teams

Á temasíðunum eru uppskot um evni, sum kunnu brúkast í undirvísingini. Tað kunnu vera evni, ið knýta seg afturat skúlaárinum, so sum árstíðir og høgtíðir, ella evni sum happing og fólkaheilsa. Her eru eisini evni úr alfrøðini, har lond, náttúra og søga verða lýst.

Á Snar er eitt tema um páskir. Á temasíðuni eru fýra evni, Jødisku páskirnar, Jesus hátíðarhelt pesach, Kristnir páskasiðir og Páskavikan.

Til hvørt av evnunum eru hugskot, hvussu arbeiðast kann við teimum í undirvísingini. Eisini eru leinki til ymiskar heimasíður og filmsbrot.

 


Móðurmálsdagur – eisini á netinum!

Aftur til yvirlitið

Mikudagin 25. mars er føðingardagur V.U. Hammershaimbs (1819-1909). Henda dag hevur móðurmálsdagur verið hildin, og onkuntíð hava Móðurmálsvirðislønir verið handaðar einstaklingum fyri avrik, sum tæna móðurmálinum.

Nám heitir í hesum sambandi á skúlar í landinum at leggja sær móðurmálsdagin í geyma, ikki bara í móðurmálsundirvísingini, men í øllum lærugreinum, so næmingar verða kunnaðir um viðurskifti, sum elvdu til, at vit í dag hava eitt væl virkandi mál, sum alt árið kann rúma øllum samskifti – eisini á netinum! 

Móðurmálsdagin í fjør vóru 200 ár liðin, síðan Hammershaimb, varð borin í heim. Saman við øðrum legði hann lunnar undir føroyska skriftmálið.

Tað var í hesum sambandi, at Snar gjørdi hesa temasíðu um Hammershaimb

Temasíðan er fyrst og fremst til hádeild fólkaskúlans í móðurmálsundirvísing og søgu.

Á Snar er eisini ein heimasíða um Móðurmálið

Tema síða í sambandi við 200 ára føðingardagin hjá V.U. Hammershaimb
Temasíðu um móður málið

Føroyskt til hádeild

Aftur til yvirlitið

 

Tit finna nógv og fjølbroytt tilfar til lærugreinina føroyskt á snar.fo.


Flestu lærarar, sum undirvísa í føroyskum í hádeildini, brúka Les tilfarið. Les hevur egnan útgávuheim á snar.fo. Har er bæði tekstasavn, lærarabók og ljóðbók umframt annað viðkomandi tilfar. Á henda hátt ber til at biðja næmingarnar antin lesa í útgávuni ella at lurta eftir tekstunum heima.

Slóð til Les útgávuheimin 


Tað eru nógvar ymiskar temasíður, sum kunnu brúkast í undirvísingini í føroyskum. Temasíðan Skaldskapur og miðlar hevur fleiri undirtemu t.d. film og skaldskap av mannamunni. Temasíðan Filmur hevur tíggju ymiskar føroyskar stuttfilmar. Til ber at hyggja at filmunum og arbeiða við teimum á ymsan hátt. Ítøkiligar uppgávur eru, sum næmingarnir kunnu loysa heima.

Slóð til temasíðuna um film

 

Á temasíðuni Skaldskapur av mannamunni ber til at arbeiða við sagnum, ævintýrum og kvæðum. Tað verður greitt frá, hvørji eyðkenni ymisku tekstasløgini hava. Ein ørgrynna av sagnum, ævintýrum og kvæðum eru skipað eftir bókstavarøð. Harumframt eru sagnirnar skipaðar eftir bygd og kvæðini í mun til kvæðabólkar.

Slóð til temasíðuna um skaldskap av mannamunni

Slóð til síðuna um tekstaslagið 

 

Krabbabøkur um sagnir (Ljóðbøkur)

Húsfrúgvin í Húsavík

Løgmansdóttirin á Steig

 

 

 

Ein onnur áhugaverd temasíða er Ferðsla. Talan er um ymisk tekstasløg, og á henda hátt ber til at arbeiða bæði við blaðgreinum, lýsingum og stuttfilmum. Ítøkiligar uppgávur eru, sum næmingarnir kunnu loysa heima.

Slóð til temasíðuna um ferðslu

Mállæra

 

Í sambandi við skrivliga partin, so er mállærubókin Stutt mállæra tøk á netinum. Eyka uppgávur til Stutt mállæra, sum næmingarnir kunnu loysa heima, eru tøkar. Eisini eru góð ráð, hvussu skrivast kann við stíli.

Slóð til Stutt mállæra

Slóð til eykauppávur

Slóð til at skriva við stíli 

Kringvarp Føroya

 

Kringvarp Føroya hevur nógvar áhugaverdar og viðkomandi dokumentarfilmar, sum hóska væl til undirvísingina í føroyskum. Úr rúgvuni kunnu vit nevna O, móðurmál (3 partar), Streingir ið tóna, Sjá, tú blánar, Føroyskir stuttfilmar (2 partar) Kendir føroyingar: Sámal Joensen – Mikines (2 partar), Kendir føroyingar: Jørgen Frantz (2 partar), Kendir føroyingar: Ebba Hentze. Aðrir eru Drongurin við svarta beltinum, Tey serligu børnini, Tóri, eitt lív á eggini og Happing.

Slóð til ymiskar dokumentarfilmar


Støddfrøði til hádeild

Aftur til yvirlitið

 

Slóðir til viðkomandi og gott støddfrøðitilfar á netinum:


Søga og samfelagsfrøði til hádeild

Aftur til yvirlitið

Covid-19 hevur ikki bert heilsuligar, men eisini búskaparligar og samfelagsligar avleiðingar. Serlig undirvísingargongd er gjørd, ið nevnist Búskaparligar og samfelagsligar avleiðingar av Covid-19

Búskapur er eitt av kjarnaøkjunum í samfelagsfrøði í hádeild, men kann eisini viðgerast í øðrum lærugreinum. Búskapur verður viðgjørdur ymsastaðni í bókaheildini Samfelagsfrøði til hádeild, men serliga Samfelagið – eg og vit øll hevur nógv tilfar um búskap.

Serliga brot 4.3 “Almennur búskapur” er áhugavert í mun til kreppuhandfaring.

Eisini eru uppgávur og eykatilfar at finna í útgávuheiminum “Samfelagið” á Snar:


Koronavirusið er ikki fyrsta farsóttin, ið hevur herjað í Føroyum. Í Føroyskari søgu 2, sum er søgubók til 8. flokk (bókin er í gerð), eru Tuberklarnir eitt evni, sum verður viðgjørt https://foroysksoga2.sbok.nam.fo/?id=p318. Upplagt at arbeiða við í hesum koronadøgum.


Vegleiðing í at brúka sBøkur

Aftur til yvirlitið

Funkur í sBókunum


Í sBókunum eru nógvar funkur, sum kunnu vera hentar, nú undirvísingin er ávirkað av koronavirusinum, t.d. er lætt at geva næmingunum skúlating við at leinkja beint til tekstir, video o.a.... https://sbok.sbok.nam.fo/?id=p128.

Í https://sbok.sbok.nam.fo/ eru vegleiðingar í at brúka tær ymsu funkurnar í sBókini.

 

 

Samvirknar uppgávur í sBókunum

 

Í sBókunum eru nógvar samvirknar uppgávur.

Samvirknar uppgávur gera næmingarnar virknar í undirvísingini. Uppgávurnar eru innbygdar í sBókina og eru ymiskt orðaðar. Til dømis skal næmingurin:

  • velja millum fleiri svar
  • seta orð á rætt pláss í setningum
  • para ymsar lutir
  • fylla út tóm pláss
  • toga lutir, t.d. orð, á rætt pláss í tekstinum
  • loysa krossorð
  • seta lutir á ávíst pláss í einari mynd

Endamálið við samvirknu uppgávunum er fyrst og fremst, at næmingarnir sjálvir royna síni evni og fáa svar beinanvegin. Til ber eisini at loysa samvirknar uppgávur í felag í flokkinum.

Tá ið næmingarnir loysa uppgávur í sBókini, sær lærarin ikki svarini, men lærarin kann avrita uppgávurnar, tillaga tær, og síðan deila tær aftur við næmingarnar. Sí vegleiðing her https://sbok.sbok.nam.fo/?id=p896


Ymiskar slóðir

Aftur til yvirlitið

Atlantbib.org er ein skúlaverkætlan við luttakarum úr Danmark, Noregi, Svøríki, Finnlandi, Íslandi, Føroyum, Grønlandi, Letlandi, Litava, Suðurslesvig og teimum samisku økjunum í Skandinavia. Tað eru Nord Plus Språk 2019 og Fondet for dansk-norsk samarbeid, ið veita verkætlanini fíggjarligan stuðul.

Elt slóðina

 
Nám Hoyvíksvegi 72 Tórshavn Tel. + 298 755150 snar@(if you can see this please update your browser)snar.fo © Nám 2020